9 лістапада 2022 вучні 11 класа паехалі на экскурсію ва Ушацкі раён. Там яны наведалі мемарыяльны комплекс “Прарыў”, паглядзелі на былы кляштар бернардзінцаў і пабылі ў сядзібе-музеі Васіля Быкава. За гады Вялікай Айчыннай вайны ў гісторыю ўвайшло нямала людзей, якія звяршылі неверагодныя подзвігі ў імя вызвалення Радзімы. У гонар геройскага ўчынку шаснаццаці партызанскіх атрадаў блакады быў створаны мемарыяльны комплекс «Прарыў». Гэты помнік знаходзіцца ў вёсцы Паперына Вушацкага раёна Віцебскай вобласці. Іх подзвіг сапраўды заслугоўвае самай пільнай увагі і невычэрпнай павагі. Музей В.У.Быкава размешчаны ў адноўленай сядзібе сям'і Быкавых. На тэрыторыі сядзібы — хата плошчай 42 кв.м., дакладная копія, хлеў, гумно, дрэвы. У хаце ўзноўлены побыт Быкавых, прадстаўлены прадметы і рэчы, якія належалі сям'і. У экспазіцыі музея знаходзяцца дакументы, фатаграфіі, творы В. В. Быкава, копіі малюнкаў і асабістыя рэчы народнага пісьменніка.