Тыдзень роднай мовы пачаўся з акцыi “Размаўляй са мной па-беларуску”, якая мела на мэце звярнуць увагу на сакавітае гучанне і спецыфічны каларыт роднай мовы. Мы ўсе павінны берагчы гэты духоўны скарб, і тады жывая і непаўторная родная мова раскажа ўсяму свету пра нашу краіну. У рамках гэтай акцыі было праведзена мерапрыемства “Усміхніся, павітайся па-беларуску – і атрымай…”. Кожны, хто ў гэты дзень быў на працы, на занятках і выхаваўчых мерапрыемствах, змог далучыцца да гэтага свята. Трэбы было павітацца па-беларуску (дапускалася сказаць слова на беларускай мове) і атрымаць за гэта цукерку.